കൊത്ത്

മലയാളം

ധാതുരൂപം

1. കൊത്തുക

നാമം

കൊത്ത്

പദോൽപ്പത്തി: <കൊത്തുക

1. കൂർത്തഭാഗം ശക്തിയായി മുട്ടിച്ച് മുറിവുണ്ടാക്കുകയോ ഇറുക്കി എടുക്കുകയോ ചെയ്യൽ (പക്ഷികൾ ചുണ്ടുകൊണ്ടെന്നപോലെ);
2. സർപ്പം മുതലായ ചില ജീവികളുടെ കടി;
3. കൊത്തു പണി;
4. കിളയ്ക്കൽ. കൊത്തു കഴിഞ്ഞാൽ പത്തോണക്ക് (പഴഞ്ചൊല്ല്);
5. കോടാലി, വെട്ടുകത്തി മുതലായവ കൊണ്ടുള്ള വെട്ട്, മുനയുള്ള പണിയായുധങ്ങൾ കൊണ്ടുള്ള പ്രയോഗം;
6. സ്വർണത്തിന്റെ മാറ്ററിയുവാൻ ഉണ്ടാക്കുന്ന അടയാളം, ആണിക്കൊത്ത്;
7. കഷണം, മരത്തിന്റെ ചെറിയ കൊമ്പ്, ഉദാ. മാങ്കൊത്ത്;
8. ചതച്ചു നീരെടുത്തശേഷം ബാക്കിയുള്ളത്, പിശട്, ചണ്ടി, പിണ്ടി, ഉദാ. മരച്ചീനിക്കൊത്ത്, തേങ്ങാക്കൊത്ത്;
9. മദ്യപിക്കൽ;
10. ഉപയോഗശൂന്യമായ വസ്തു. (പ്ര.) കൊത്തും കൊയ്യാലും = തേങ്ങ വെട്ടുന്നതിനു കൊടുക്കുന്ന പ്രതിഫലം; കൊത്തും കോളുമൊക്കുക = സാഹചര്യങ്ങൾ അനുകൂലമാവുക; കൊത്തുകളി = കൊത്തങ്കല്ലുകളി

നാമം

കൊത്ത്

1. പൂക്കളുടെയോ തളിരുകളുടെയോ കുല, തൊത്ത്, ഉദാ. പൂങ്കൊത്ത്;
2. തുണിക്കഷണം;
3. ഒരു പിടി;
4. കൂട്ടം;
5. ധാന്യമായിട്ടു കൊടുക്കുന്ന കൂലി